نصائح ذهبية فى المطبخ
لو وقع زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت
حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماماً
لما يقع منك بيض ني على الارض او ع الرخامه اوعى تمسحيه بفوطة امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن
لو عندك حاجة نحاس متجبيش نحيتها مايه بنص ليمونة و شوية بيكربونات الصوديوم واغسليها هترجع جديدة
لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم
دايما خلى عندك فرشة بإيد وهاتى علبة شاور جل او شامبو فاضيه وحطى فيها سائل تنظيف و كلوركس وانتى بتغسلي وشك الصبح حطى شوية سائل واغسلي الحوض في اقل من دقيقة بقى زى الفل
اول ماتصحى الصبح وقبل ما تخرجي من اوضتك اعدلي ملاية السرير والمخدات وبكدة تكونى خلصتى من مهمة يومية من غير ماتخدي بالك
وانتى واقفه تعملى الشاى ولا النسكافيه على ما الماية تغلي روقى درفة واحدة في المطبخ تكون عاوزة تتظبط هتلاقي دايما مطبخ نضيف ومتروق ،،
ليست هناك تعليقات:
إرسال تعليق