كيفية الذهاب ل ساقية الصاوي
بدون سيارة
من الجيزة
اركب ميكروباص من الجيزة ـ الوراق أو الكيت كات وانزل في العجوزة أمام مسرح البالون عند سلم كوبري 15 مايو
* اطلع سلم الكوبري وعدي النيل من فوق الكوبري وانزل من السلم التاني اللى بينزل على الزمالك هتلاقي نفسك قدام ساقية الصاوي
من جامعة القاهرة أو من الدقي
* ممكن تركب ميكروباص الجمعية اللى بيقول امبابة دقي من قدام الباب الرئيسي ل "جامعة القاهرة" أو قبل كوبري الدقي أو بعد كوبري الدقي وتقوله عايز أنزل ميدان سفنكس وتنزل وتمشي شوية صغيريين لحد سلم كوبري 15 مايو اللى قدام مسرح البالون وعدي الكوبري وانزل من الناحية التانية من السلم هتلاقي نفسك قدام ساقية الصاوي
.
من الاسعاف أو من وسط البلد
من الاسعاف في وسط البلد في مواصلتين ليك المواصلة الاولى تركب ميكروباص بيقول بولاق جامعة الدول من تحت كوبري 6 اكتوبر وتتأكد من السواق انه هيعدي على سلم (ابو الفدا) وتنزل عند سلم ابو الفدا على كوبري 15 مايو وتنزل السلم هتلاقي نفسك قدام ساقية الصاوي لكن الناحية التانية
اما المواصلة التانية وهي تركب ميكروباص بيقول عمارة من قدام صيدلية الاسعاف وتنزل قدام مسرح البالون في العجوزة وتطلع سلم كوبري 15 مايو وتعدي النيل وتنزل من السلم الناحية التانية هتلاقي نفسك قدام ساقية الصاوي بالظبط
.........
الذهاب إلى ساقية الصاوي بالمترو
اركب المترو من أي مكان في القاهرة وانزل محطة جمال عبد الناصر اللى هي الاسعاف في وسط البلد واقرا فوق ازاي تروح ساقية الصاوي من الاسعاف او من وسط البلد
ولو ركبت تاكسي وهو مش عارف هي فين قوله شارع 26 يوليو تحت كوبري 15 مايو قدام سنترال الزمالك ناحية شارع أبو الفدا
ليست هناك تعليقات:
إرسال تعليق