قالوا الشقيق بيمص دم الشقيق
والناس ما هياش ناس بحق و حقيق
قلبي رميته وجبت غيره حجر
داب الحجر .. ورجعت قلبي رقيق
#عجبي
#صلاح_جاهين
......
أنا اللي بالأمر المحال اغتوي
شفت القمر نطيت لفوق في الهوا
طلته ما طلتوش إيه انا يهمني
وليه .. ما دام بالنشوه قلبي ارتوي
#عجبي
#صلاح_جاهين
....
عيني رأت مولود علي كتف أمه
يصرخ تهنن فيه يصرخ تضمه
يصرخ تقول يابني ما تنطق كلام
ده اللي ما يتكلمش يا كتر همه
#عجبي
#صلاح_جاهين
........
الضحك قال يا سم ع التكشيـــــــر
أمشير و طوبة وأنا ربيعي بشيـر
مطرح ما بأظهر بأنتصر ع العدم
إنشا الله أكون رسماية بالطباشيــر
#عجبي
#صلاح_جاهين
ليست هناك تعليقات:
إرسال تعليق